விளையாட்டு
மகுடங்கள் அனைத்தும்
மட்டைப்பந்திற்கே சென்றடைவதால்
தேடும் நிலையில் இன்று
நம் தேசிய விளையாட்டு!
கிரீடங்கள் அனைத்தும்
கிரிக்கெட்டுக்கே சூட்டப்படுவதால்
இன்று புராதனப் பட்டியலில் நம்
கிராமத்து விளையாட்டுகள்!
ஐ.பி.எல் எனும்
புதுப்புயலில் சிக்கியதில்
கைப்பந்து முதலான விளையாட்டுகள்
இன்று கவலைக்கிடமான நிலையில்!
மணிக்கொருமுறை விளம்பரங்களில்
மட்டைப்பந்து வீரர்கள்!
மருந்திற்கும் கவனிப்பின்றி
மற்ற துறை வீரர்கள்!
அன்று வீதியில் கோலியாடி
மகிழ்ந்த பொழுதுகளை இன்று
வீட்டுத் தொலைக்காட்சியில்
விராட் கோலி ஆடுவதை
விழுந்து விழுந்து ரசிக்கும்
தலைமுறையிடம் விளக்குவதெப்படி?
பம்பரத்தில் சாட்டை வைத்து
பரபரவென பாங்காய் சுற்றி
"உய்" என சுற்றும் பம்பரத்தை
உள்ளங்கையில் தாங்கும்
உன்னத சுகத்தை உணர்த்துவதெப்படி
இன்றைய தலைமுறையிடம்?
இன்று வீடியோ கேம் முன்
விழுந்து கிடக்கும் தலைமுறையிடம்
விவரிக்க முடிவதில்லை அன்று
நாங்கள் விடுகதை சொல்லி
விளையாடிக் களித்த
பொன்னான பொழுதுகளை!
அன்று கில்லியாடிக் கிழித்த
மேல்சட்டைகள்தான் எத்தனை?
பச்சைக் குதிரை
தாண்டிப் பாழாக்கிய
கால்சட்டைகள்தான் எத்தனை?
வண்டி வண்டியாய்
நாங்கள் அடித்த
புளியங்காய்களுக்கல்லவா தெரியும்
எங்கள் உண்டி வில்லின்
வீரம் பற்றி!
வெப்பத்திற்கு அஞ்சாமல்
வெறுங்காலோடு நாங்கள்
விளையாடியது கண்டு அன்று
வெய்யிலுமல்லவா வெட்கப்பட்டது?
ஆரோக்கியத்தை ஆராதனை செய்தன
அன்றைய விளையாட்டுகள்!
சோம்பேரித்தனங்களின் சொர்கமாக
இன்றைய விளையாட்டுகள்!
மட்டைப்பந்திற்கே சென்றடைவதால்
தேடும் நிலையில் இன்று
நம் தேசிய விளையாட்டு!
கிரீடங்கள் அனைத்தும்
கிரிக்கெட்டுக்கே சூட்டப்படுவதால்
இன்று புராதனப் பட்டியலில் நம்
கிராமத்து விளையாட்டுகள்!
ஐ.பி.எல் எனும்
புதுப்புயலில் சிக்கியதில்
கைப்பந்து முதலான விளையாட்டுகள்
இன்று கவலைக்கிடமான நிலையில்!
மணிக்கொருமுறை விளம்பரங்களில்
மட்டைப்பந்து வீரர்கள்!
மருந்திற்கும் கவனிப்பின்றி
மற்ற துறை வீரர்கள்!
அன்று வீதியில் கோலியாடி
மகிழ்ந்த பொழுதுகளை இன்று
வீட்டுத் தொலைக்காட்சியில்
விராட் கோலி ஆடுவதை
விழுந்து விழுந்து ரசிக்கும்
தலைமுறையிடம் விளக்குவதெப்படி?
பம்பரத்தில் சாட்டை வைத்து
பரபரவென பாங்காய் சுற்றி
"உய்" என சுற்றும் பம்பரத்தை
உள்ளங்கையில் தாங்கும்
உன்னத சுகத்தை உணர்த்துவதெப்படி
இன்றைய தலைமுறையிடம்?
இன்று வீடியோ கேம் முன்
விழுந்து கிடக்கும் தலைமுறையிடம்
விவரிக்க முடிவதில்லை அன்று
நாங்கள் விடுகதை சொல்லி
விளையாடிக் களித்த
பொன்னான பொழுதுகளை!
அன்று கில்லியாடிக் கிழித்த
மேல்சட்டைகள்தான் எத்தனை?
பச்சைக் குதிரை
தாண்டிப் பாழாக்கிய
கால்சட்டைகள்தான் எத்தனை?
வண்டி வண்டியாய்
நாங்கள் அடித்த
புளியங்காய்களுக்கல்லவா தெரியும்
எங்கள் உண்டி வில்லின்
வீரம் பற்றி!
வெப்பத்திற்கு அஞ்சாமல்
வெறுங்காலோடு நாங்கள்
விளையாடியது கண்டு அன்று
வெய்யிலுமல்லவா வெட்கப்பட்டது?
ஆரோக்கியத்தை ஆராதனை செய்தன
அன்றைய விளையாட்டுகள்!
சோம்பேரித்தனங்களின் சொர்கமாக
இன்றைய விளையாட்டுகள்!
No comments:
Post a Comment
Comments are always welcome