Saturday, September 18, 2021

சவுக்க கையில் எடுப்போம்

காக்கிச் சட்ட போட்டலையுது
காட்டுப் பய கூட்டம்!
கண்டுக்காம விட்டதுல
கூடிப்போச்சு ஆட்டம்!
மக்கள் மேல எதுக்கு இந்த
எக்கச்சக்க காட்டம்? - இனி
மரியாத குடுக்கலன்னா
மன்னிக்கவே மாட்டோம்!
பொழப்பு கெட்டுப் போகுமுன்னு
பொறுத்து பொறுத்து பாத்தோம்!
பொறுக்கித் திங்கும் உங்களுக்கு
எதுக்கு இந்த ஏத்தம்?
இத்தன நாள் மனசுக்குள்ள
புழுங்கி புழுங்கி தீத்தோம்! - இனி
தமிழ்நாடே சேர்ந்து உங்க
தலையெழுத்த மாத்தும்!
கைநீட்ட சட்டத்துல
இடமிருக்கா கேப்போம்!
கொம்பு எதுவும் மொளச்சிருந்தா
காட்டுங்கடா பாப்போம்!
சாத்தாங்குளம் சம்பவத்த
கேட்டு நொறுங்கிப் போனோம்!
துடிக்க துடிக்க கொன்னதுக்கு
தூக்குத் தண்டன வேணும்!
போலீஸ் உங்க நண்பனுன்னு
புளுகுனது போதும்!
கேக்குறவன் கேனையின்னா
சாத்தான் வேதம் ஓதும்!
நோகடிச்சு கொல்லுறதா
போலீஸோட நோக்கம்?
கொதிச்சு கெடக்கும் சனங்க இனி
எதிர்த்து கேள்வி கேக்கும்!
அடுத்த கொல லாக்கப்புல
கூடாது இனி மீண்டும் - நீங்க
அடிச்சுக் கொன்ன கணக்கு மட்டும்
ஆயிரத்தத் தாண்டும்!
கையூட்டு வாங்கும்போதே
இம்புட்டு பகுமானம் - உங்க
பொய் கேசும் என்கவுண்டரும்
எந்தக் கணக்கில் சேரும்?
இனி சட்டப்படி நடந்துக்கிட்டா
ஒத்துழைப்பு குடுப்போம்!
சண்டியரா நடந்துக்கிட்டா
சவுக்க கையில் எடுப்போம்!
இனி ஒரு நாள் உங்களுக்கும்
ஆசனவாய் எரியும்!
நாங்க முழுச்சுக்கிட்டா உங்களோட
முதுகுத் தோலு உறியும்!
நல்லவங்க போலீசுல
இருக்குறது தெரியும்!
நம்மளோட கோவமெல்லாம்
அவுங்களுக்கும் புரியும்!

- நிலவை பாா்த்திபன்

No comments:

Post a Comment

Comments are always welcome