நல்லவங்க ஆளனும்

தெருக்குத் தெரு கட்சிக்கொடி பேனரு!
ஒரு வழியா வந்துருச்சு தேர்தலு!
கர வேட்டி கூட்டம் நம்ம தேடுது!
காசக் காட்டி கண்ணாமூச்சி ஆடுது!

சௌக்கிதார் மோடின்னா யாரது?
வைக்கோலுக்கு மாடுதானா காவலு?
போனவாட்டி புழுகுனதே ஓவரு!
நீங்க போட்டுவிட்ட நாமம்கூட கோணலு!

மோடி ஜெயிக்க ஓட்டு போட்ட அண்ணாச்சி!
போன தேர்தல் வாக்குறுதி என்னாச்சு?
நம்ப வச்சு கழுத்தறுத்து கொன்னாச்சு! - இப்போ
நாத்தம் புடிச்ச கட்சி ரெண்டும் ஒண்ணாச்சு!

திட்டம் போட்டு திருடி திருடி தின்னாச்சு! - நீங்க
புழுகியத நம்பி மனம் புண்ணாச்சு!
மதவெறியால் மனித நேயம் மண்ணாச்சு! - இப்போ
நாடு மொத்தம் நடுத்தெருவில் நின்னாச்சு!

ஒங்களோட ஆட்சி தானா நல்லாட்சி?
ஓட்டுனது போதும் ரீலு அந்தாச்சு!
கத்திரிக்கா முத்தி கடைக்கு வந்தாச்சு! 
சத்தியமா சனங்க எல்லாம் நொந்தாச்சு!

பழைய நோட்டு செல்லாதுன்னு சொன்னீங்க!
வரிசையில நிக்க வச்சு கொன்னீங்க!
கண்டு புடிச்ச கருப்பு பணம் எங்கீங்க?
பதினஞ்சு லட்சம் எப்போ தந்தீங்க?

மாட்டுக்காக மனுசங்கள கொன்னீங்க!
மக்களுக்கு நல்லதென்ன பன்னீங்க?
கார்பரேட்டுகாரன் பக்கம் நின்னீங்க!
ரஃபேல் காச பங்குபோட்டு தின்னீங்க!

புயல் வந்த நேரம் எங்க போனீங்க? - இப்ப
புடுங்குறது வேண்டாத ஆணிங்க!
கரச்சு வச்சு காத்திருக்கோம் சாணிங்க!
ஊத்திவிட்டா  பளபளக்கும் மேனிங்க!

போராட்டம் பன்னவன சுட்டீங்க!
வகுப்புவாத நெருப்ப வளத்து விட்டீங்க!
பெட்ரோல பேய் வெலைக்கு வித்தீங்க!
புதுசு புதுசா இந்தியாவ பெத்தீங்க!

இந்தியனே இப்பவாச்சும் முழிச்சுக்க!
ஓட்டு கேக்க மோடி வந்தா ஒளிஞ்சுக்க!
பட்டதெல்லாம் மனசுக்குள்ள நெனச்சுக்க!
பாழும் கிணத்தில் விழுந்துடாம பொழச்சுக்க!

காசுக்காக ஓட்ட வித்தா கேவலம்! 
களவாணி ஆகலாமா  நாமளும்?
கண்ணியமா நாம இனி வாழனும்! - அதுக்கு 
கண்டிப்பா நல்லவங்க ஆளனும்!

 - நிலவை பார்த்திபன்